العنصرية !

·       وكالعادة ماشة علي الجامعة ركبت المواصلات فالكمساري بدا " يطقطق " عايز حقو المشروع * قروشو * فالناس بدت تدفع في القروش ; في واحدة من الر كاب قامت ادتو قروشو ناقصة فقام قال ليها وبكل حسن نية انو سعر تذكرة الراكب ب "كدا" فاكِّرها ما عارفة السعر الحقيقي ! المرأة ردت وقالت ليهو : ما بديك ,, بدأت المرأة تكورك والكمساري يكورك المهم استمر الجدل بيناتهم مع تكرار نفس الجمل الكمساري : اديني حقي / المرأة : مابديك ..... ألخ .
وفي نص الجدل المرأة قالت ليهو : انت قايل روحك زول عشان تتكلم / كم ما " غَّرابي " عليك الله !!!!!!!

هُو بالله الغرابة ما ناس !! وبعدين متين حنتخلص من التفكير
.. العنصري/ الرجعي /العقيم.. دا ؟؟؟!!!

غايتو طول ما " العنصرية " مُشعشة في عقولنا ومسيطرة علي تفكيرنا السودان دا عُمرو ما حيشوف" عصر التنوير " !