·
والله يا أخوانا الزول لمن يسمع قصص الطلاق بأسبابها وعددها , لمن
يجيهو صٌداع !
كمية كبيرة من الناس بتعرس وتطلق بعد فترة بسيطة من العرس ,, مع انهم قبل الزواج كانو " بيموتو في بعض " ياخ ديل الناس كلهم كانو بيتكلمو " عن قصة حبهم " , انت زاتك تتخلع لمن يقولو ليك فلانة وفلان اطلقو ,, واحد كان بينوم تحت عمارة حبيتو لأنها زعلانة منو دايرة يصالحها وهي ما دايرة تتكلم معاهو !! , واحد لمن تكون حبيبتو مسافرة بيبكي باندفاع وهو بودعها انت زاتك تستغرب في الزول دا بيبكي كدا مالو!! وغيرها من الحجات الماقدر أفضل مسلسل أو فيلم رومانسي يمثلها ,, ناس تعرس وتطلق بعد شهرين وناس بعد سنة وتالتة بعد سنتين ,, بالجد حاجة تحزن جدا ! ,,
يلا مشكلة الناس دي ما انها ما حبت بعض ,, لا هي حبت بعض بس حب من غير فهم ! يعني حب أساسو عاطفة ما مبني علي أي أساس عقلي ! ديل ياهم الناس التلقاهم في فترة ما قبل الزواج مركزين في انهم يسمعوا بعض كلام حلو وبس , يلا الكلام الحلو لهاهم عن أنهم يشوفو: فهم بعض/ سلوكيات بعض / اهتمامات بعض / تصور بعض عن الحياة الزوجية وعن الحياة بصورة عامة / كيف بيصرف مع المشاكل البتواجهو / وغيرها ,, وهل الحجات الفي شخصو وسلوكو واهتماماتو وفهمو دي الحاجات الأنا عايزها في شريك/شريكة حياتي ولا لأ ,,,
بيحبو وبيسمعو بعض كلام حلو من غيرو مايفكرو في انو هل الزول /الزولة دي هو/هي فعلاً الشخص العايزو يشاركني بقية حياتي وحأحقق معاهو الحجات الانا عايزها ؟! هل هو دا الشحص الحأكون معاهو أسرة ظريفة تحفها الحب والمودة والتفاهم أو بيحقق لي أهدافي من الزواج !! هل دا الشخص الحيشاراكني اهتمامتي ؟ هل دا الشخص الحكون سعيد/سعيدة وأنا معاهو ولا لأ ؟؟
بيدخلو في حالة لا وعي مع بعض ,, فممكن الود يكون في اتجاه والبت في اتجاه تاني خالص ولا حتي بيتلمو علي بعض ويجو أهلو أو أصحابو ويقولو ليه البت دي ما شبهك ولا جاين مع بعض ,, يقول : ليهم لا لا ياخ انتو ماشفتوها والله بت ظريفة وفاهمة وأي حاجة انتو والله ظالمنها ساي ,, طبعاً ممكن يكون هو ماشايف الحجات دي بحكم حالة اللاوعي الهو داخل فيها ,, وممكن يكون شايف بس عامل روحوا ماشايف لأنو ماقادر يتصور حياتو من غيرها ( مش قلنا ليكم عاطفة سااي من غير عقل ) ,,,
يلا لمن يعرسوا ويدخلو الحياة الجد , ويقل الكلام الحلو بكتشفو انهم ما جاين مع بعض نهااائي , طبعا زمان كان في كلام حلو بيصبرهم لكن حسي ماف شئ فبيقوموا وبيطلقو ! .
بس الناس لو قدرت من الأول ما تدخل في حالة اللاوعي حتقل نسب الطلاق بصورة كبيرة وحتزيد السعادة في البيوت ,
مع تمنياتنا باختيار مُوفق ,, وحياة زوجية سعيدة ^_^
كمية كبيرة من الناس بتعرس وتطلق بعد فترة بسيطة من العرس ,, مع انهم قبل الزواج كانو " بيموتو في بعض " ياخ ديل الناس كلهم كانو بيتكلمو " عن قصة حبهم " , انت زاتك تتخلع لمن يقولو ليك فلانة وفلان اطلقو ,, واحد كان بينوم تحت عمارة حبيتو لأنها زعلانة منو دايرة يصالحها وهي ما دايرة تتكلم معاهو !! , واحد لمن تكون حبيبتو مسافرة بيبكي باندفاع وهو بودعها انت زاتك تستغرب في الزول دا بيبكي كدا مالو!! وغيرها من الحجات الماقدر أفضل مسلسل أو فيلم رومانسي يمثلها ,, ناس تعرس وتطلق بعد شهرين وناس بعد سنة وتالتة بعد سنتين ,, بالجد حاجة تحزن جدا ! ,,
يلا مشكلة الناس دي ما انها ما حبت بعض ,, لا هي حبت بعض بس حب من غير فهم ! يعني حب أساسو عاطفة ما مبني علي أي أساس عقلي ! ديل ياهم الناس التلقاهم في فترة ما قبل الزواج مركزين في انهم يسمعوا بعض كلام حلو وبس , يلا الكلام الحلو لهاهم عن أنهم يشوفو: فهم بعض/ سلوكيات بعض / اهتمامات بعض / تصور بعض عن الحياة الزوجية وعن الحياة بصورة عامة / كيف بيصرف مع المشاكل البتواجهو / وغيرها ,, وهل الحجات الفي شخصو وسلوكو واهتماماتو وفهمو دي الحاجات الأنا عايزها في شريك/شريكة حياتي ولا لأ ,,,
بيحبو وبيسمعو بعض كلام حلو من غيرو مايفكرو في انو هل الزول /الزولة دي هو/هي فعلاً الشخص العايزو يشاركني بقية حياتي وحأحقق معاهو الحجات الانا عايزها ؟! هل هو دا الشحص الحأكون معاهو أسرة ظريفة تحفها الحب والمودة والتفاهم أو بيحقق لي أهدافي من الزواج !! هل دا الشخص الحيشاراكني اهتمامتي ؟ هل دا الشخص الحكون سعيد/سعيدة وأنا معاهو ولا لأ ؟؟
بيدخلو في حالة لا وعي مع بعض ,, فممكن الود يكون في اتجاه والبت في اتجاه تاني خالص ولا حتي بيتلمو علي بعض ويجو أهلو أو أصحابو ويقولو ليه البت دي ما شبهك ولا جاين مع بعض ,, يقول : ليهم لا لا ياخ انتو ماشفتوها والله بت ظريفة وفاهمة وأي حاجة انتو والله ظالمنها ساي ,, طبعاً ممكن يكون هو ماشايف الحجات دي بحكم حالة اللاوعي الهو داخل فيها ,, وممكن يكون شايف بس عامل روحوا ماشايف لأنو ماقادر يتصور حياتو من غيرها ( مش قلنا ليكم عاطفة سااي من غير عقل ) ,,,
يلا لمن يعرسوا ويدخلو الحياة الجد , ويقل الكلام الحلو بكتشفو انهم ما جاين مع بعض نهااائي , طبعا زمان كان في كلام حلو بيصبرهم لكن حسي ماف شئ فبيقوموا وبيطلقو ! .
بس الناس لو قدرت من الأول ما تدخل في حالة اللاوعي حتقل نسب الطلاق بصورة كبيرة وحتزيد السعادة في البيوت ,
مع تمنياتنا باختيار مُوفق ,, وحياة زوجية سعيدة ^_^
